Kategoria: Ekintzailetza

[fusion_builder_container type=”flex” hundred_percent=”no” equal_height_columns=”no” menu_anchor=”” hide_on_mobile=”small-visibility,medium-visibility,large-visibility” class=”” id=”” background_color=”” background_image=”” background_position=”center center” background_repeat=”no-repeat” fade=”no” background_parallax=”none” parallax_speed=”0.3″ video_mp4=”” video_webm=”” video_ogv=”” video_url=”” video_aspect_ratio=”16:9″ video_loop=”yes” video_mute=”yes” overlay_color=”” video_preview_image=”” border_color=”” border_style=”solid” padding_top=”” padding_bottom=”” padding_left=”” padding_right=””][fusion_builder_row][fusion_builder_column type=”1_1″ layout=”1_1″ background_position=”left top” background_color=”” border_color=”” border_style=”solid” border_position=”all” spacing=”yes” background_image=”” background_repeat=”no-repeat” padding_top=”” padding_right=”” padding_bottom=”” padding_left=”” margin_top=”0px” margin_bottom=”0px” class=”” id=”” animation_type=”” animation_speed=”0.3″ animation_direction=”left” hide_on_mobile=”small-visibility,medium-visibility,large-visibility” center_content=”no” last=”true” min_height=”” hover_type=”none” link=”” border_sizes_top=”” border_sizes_bottom=”” border_sizes_left=”” border_sizes_right=”” first=”true”][fusion_text]

BBK 2022ko hirugarren iragarle sortzaileena da, Burger King eta Madrid Fusión-en atzetik soilik, Marketing Directo marketin digitaleko informazioan espezializatutako online komunikabide liderraren arabera. BBK-k hirugarren postua lortu du, LLYC-en “Bihar” lan (estatu barruan eta kanpoan) goretsiari esker, Espainian 2022an egin den bigarren kanpainarik sarituena izan delarik, gainera.

Hirugarren iragarle sortzaileenari egindako aitortza edo errekonozimendu honi esker, BBK aurrekontu handiko enpresa askoren aurretik jarri da, hala nola, KFC, Amazon Prime, Corona, Gurutze Gorria, Cupra… edo Espainiako Gobernua bera.  Gainera, aurreko ekitaldiarekin alderatuta, web-atari ospetsuaren rankingean berriro ageri den erakunde bakarrenetakoa da –bost baino ez dira izan–, eta, gainera, laugarren urtez jarraian ageri da. BBK-k 1.000 puntu lortu ditu eta, horri esker, hamar postu igo ditu iazko rankingetik.

‘Bihar’, kanpainarik sarituena

2021eko irailean, Bilbo harrituta geratu zen, Itsasadarrean tamaina handiko eskultura hiperrealista bat agertu baitzen, marearen arabera, uretatik irteten zen edo bertan murgiltzen zen neskato bat zen. ‘Bihar, etorkizuna aukeratu’ komunikazio-kanpainaren lehen ekintza zen; hala, gaur egungo erabakiek etorkizunean izango dituzten ondorioei buruzko gizarte-eztabaida sustatu gura izan zuen BBK-k, eta harekin estrategia korporatibo berri bat, lehiakortasun iraunkor edo jasangarrian oinarritua, aurkeztu zuen.

Ruben Orozcoren eskulturak, Zubizuriko zubiaren parean Bilboko itsasadarrean murgildua, eta ‘Bihar’ film laburrak, gure egungo erabakiek gure etorkizunean duten eraginari buruzko hausnarketa soziala sortzeaz gain, BBKri aitorpen edo errekonozimendu ugari eman dizkiote, besteak beste, Sari Nagusi bat, hiru Urre eta lau Zilar El Sol Publizitate Komunikazioko Jaialdi Iberoamerikarraren azken edizioan.

[/fusion_text][/fusion_builder_column][/fusion_builder_row][/fusion_builder_container]

Ikasturte berri honetan, gizarte-eragin positiboa duen ekintzailetzari laguntzeko gure ekimenak indartu ditugu, eta Mondragon Unibertsitatearekin lankidetzan arituko gara Inpaktuko Inbertsioan eta Ekintzailetzan Aditua ikastaroaren garapenean. Programa hau inpaktuko enpresa bat sortzeko prozesuan dauden eta bideragarritasuna bermatzeko negozio-ereduari bultzada bat emango dioten inbertitzaile profesionalak gura dituzten profesionalei zuzenduta dago. Prestakuntza praktikoa da, eta enpresa-ideia garatze aldera kontaktu edo harremanak egiteko aukera ere eskaintzen du.

Lurraldearen lehiakortasun iraunkor edo jasangarriaren aldeko gure apustuaren esparruan, eragin soziala duen ekintzailetzari laguntzea da gure ildo estrategikoetako bat. Ekintzailetza sustatzeko lan egiten dugu, aldaketa sozial eta ekonomikoa sustatzen duten ideiek etorkizunean eskalagarritasuna ahalbidetuko duen negozio-eredu sendoa izan dezaten beharrezko baldintzak sortuz. Gizarte-eragin edo inpaktua duen ekonomia da, gainera, finantzaketa eta talentua mobilizatzeko formula bakarra, Nazio Batuen 2030 Agendari eta garapen jasangarrirako helburu eta jomugei ekin nahi bazaie.

Ikastaroaren titulua ‘Inpaktuko Inbertsioan eta Ekintzailetzan Aditua’ da, eta urriaren 6tik aurrera emango da abenduaren 15era arte. Titulu hori garatzeko, Seed Capital Bizkaiaren laguntza ere izan du unibertsitateak, bi aliatu estrategiko baitira gizarte-inpaktu positiboaren eta Bizkaiko lehiakortasun iraunkor edo jasangarriaren arloan. Programa, batez ere, Bilbao Berrikuntza Faktorian emango da, baina beste leku batzuetan ere garatuko da: BBK Kuna, BBK Klima, As Fabrik, Bilboko Burtsa, etab.

Ikastaro hau abian jartzean, aldaketa sozial eta ekonomikoa sustatzen duten ideiek negozio-eredu sendo bat, etorkizunean garatzea ahalbidetuko diena, topatzeko helburua dago azpian. Gizarte-eragin edo inpaktua duen ekonomia da, gainera, beharrezko finantzaketa eta talentua mobilizatzeko formula bakarra, eta horiek ahalbidetuko dute Nazio Batuen 2030 Agendari eta garapen jasangarrirako helburu eta jomugei heldu edo ekitea.

Ikastaroari buruzko informazio gehiago gura izanez gero, unibertsitatearen web-orria kontsulta daiteke:

https://www.mondragon.edu/cursos/es/curso-experto-inversion-emprendimiento-impacto

BBK Kuna: GJHen ─Garapen Jasangarrirako Helburuen─ Etxeak hiru proiektu hautatu ditu KUNA-CO PROIEKTUAK deialdiaren bidez.  Ekimen honekin, Euskadin oro har eta Bizkaian bereziki 2030 Agendari lotutako erronkei irtenbideak bilatzea helburu duten eta, aldi berean, Bizkaian aldaketa eragingo duten Berrikuntza Proiektuak bultzatu gura ditu erakundeak.

Proiektu horiek BBK Kuna Institutuak, Daniel Innerarity buru duen eta lurraldean erreferente diren ahotsek osatzen duten Think Tank-ak, identifikatutako erronkei erantzuten diete; izan ere, BBK Kunatik, Institutu horrek lehenesten ditu datozen urteetan landu beharreko etorkizuneko erronkak.

Deialdiak baterako lana sustatzen du, eta, beraz, deialdi honen xede diren proiektuen buru beren lankidetza eragile anitzeko partzuergo baten bidez antolatzen duten erakundeak daude. Proiektu guztiek irabazi-asmo bako erakunde bat, proiektua koordinatuko duena, izaten dute.

Hautaturiko hiru proiektuen aurkezpena gaur goizean izan da BBK Kunan, eta bertan izan dira: Nora Sarasola BBK-ko zuzendaria; Daniel Innerarity BBK Institutuko lehendakaria; Karmele Acedo, SSI Taldeak gidatutako Proiektuaren ordezkari gisa; Jaime Zufia AZTIko Prozesu Eraginkor eta Iraunkorren koordinatzailea, AZTIk aurkeztutako proiektuaren ordezkari gisa; eta Maria Lambarri, Deusto Social Lab-eko proiektu estrategikoen koordinatzailea, HUME ikerketa-taldea koordinatzen eta gidatzen duen proiektuaren ordezkari gisa.

.Ikerketa-ekintza

Ikerketa-ekintzako Kuna metodologiaren helburua da proiektuek teoria testatu edo probatzea ekintzan duten eraginkortasunaren arabera, ezagutza baliozkoa eta eragingarria sortzea bilatuz. Ikerketaren helburua ez da errealitatea aztertzea, aldatzea baizik. Hautatutako gaiari buruzko ikerketa barne hartzen dute proiektuek, eta gainera aplikazio praktikoa, ekintza ukigarria eta transferigarria izango duen emaitza ziurtatzen dute. Deialdiaren onuradun suertatzen den ikerketa-ekintzako proiektu bakoitzak 50.000 eurorainoko diru-laguntza jasoko du.

Proiektuek BBK Kuna komunitatearekin, BBK Kunako gainerako proiektuekin, konektatzeko bokazioa izango dute, emaitzak hobetzeko lankidetzak ezarriz, eta BBK Kunaren instalazioetan garatu ahal izango dira.

2022 DEIALDIAN AUKERATUTAKO PROIEKTUAK

1. MIGRAZIOA ETA OPAROTASUNA: GARAPEN EKONOMIKO ETA SOZIAL INKLUSIBOA.

Zaintza-sektorean lan egiten duten atzerritar jatorriko pertsonen enplegagarritasuna eta bizi-kalitatea hobetzea du helburu ERTZEAN proiektuak, mendekotasuna eta desgaitasuna duten pertsonak etxean eta/edo gizarte-erakundeetan zaintzeko sektorean orientazio, laguntza eta prestakuntzarako zerbitzu bat diseinatuz eta emanez.

Bilbo Handian zaintzen sektorean eta etxe-zerbitzuaren sektorean lan edo behar egiten duten atzerritar jatorri eta/edo etorkiko pertsonen errealitate soziolaboralaren azterketa sakona egitea aurreikusten du proiektuak. Analisiak aukera emango du premia edo beharrizan espezifikoak detektatzeko, bai pertsonei dagozkienak, eta bai zaintza-sistema osoari eta lan-merkatuari dagozkienak. Horrela, proiektuak hainbat adierazle planteatzen ditu, bai proiektuak sortu gura dituen gizarte-aldaketei buruzkoak, maila mikro eta indibidualean neur daitezkeenak, eta bai erdi-maila edo sistemikoari buruzkoak, ekonomiaren eta lan-merkatuaren ikuspegitik.

Proiektua Servicios Sociales Integrados S. Coop. edo SSI taldeak, Ignacio Ellacuría Gizarte Fundazioak, Ikuspegi Immigrazioaren Euskal Behatokiak eta Deustuko Unibertsitateak garatuko dute..

2. TRANTSIZIO DIGITAL HUMANISTA.

Proiektu hau Deustuko Unibertsitateko HUME (Humanism and Management and Economics) taldeak garatzen du, Wikitokiren eta lau arlotako ─zibersegurtasun, datu pertsonalen babes, gobernu ireki eta gizarte zibileko─ eragileen laguntzarekin.

Bizkaian Trantsizio Teknologiko-Digitalaren (TTD) gobernantzan kontuak emateko mekanismoak identifikatzea eta ebaluatzea helburu duen ikerketa bat egingo da, Garapen Jasangarrirako Helburuei (GJH) begira.

Udalerriek, foru-aldundiek eta Eusko Jaurlaritzak datozen urteetarako agindutako “trantsizio handi”etako batean sakontzea eta horren pultsua neurtzea da helburua:  trantsizio teknologiko-digitala, energia- eta ingurumen-trantsizioarekin eta gizarte- eta osasun-trantsizioarekin batera (“Euskadiko Eraldaketa Digitalerako Estrategia 2025”). Teknologia digitalak enpresetan integratzea eta gizartean duten eragina sartzen da hor.

Proiektuaren bidez, dimentsio anitzeko txosten bat egiten saiatuko dira, trantsizio horren eragin edo inpaktua balioesteko, betiere kontuak ematea ardatz hartuta, herritarren parte-hartzea sustatuz, gizabanakoak prozesu teknologikoen erdigunean kokatuz eta gobernantza-harremanetan horizontaltasun handiagoa sortuz. Ekimena lurralde-eskala handiagoko azterlanekin eta gobernantzako beste sektore batzuekin osatu ahal izango da etorkizunean.

3. GASTRONOMIA JASANGARRIA:

Proiektuaren helburu nagusia da Bizkaiko gastronomiaren sektorerako eta beraren balio-katerako eragiketa-eredu bat sortzea eta baliozkotzea, garapen jasangarriaren printzipioak txertatuko dituena eta jardueraren balorizazio- eta hobekuntza- eta sektorearen epe luzerako biziraupen-elementu gisa balioko duena. Sektore honen gizarte-eragina oso esanguratsua da, sektoreak garrantzi handia duelako Bizkaiko ekonomia- eta enpresa-sarean, eta, beraz, barne hartzen dituen lanpostuen kopuruan.

Gainera, beharrezkoa da sektore osoa lehiakide diren eskualdeen aurrean posizionatzea eta euskal gastronomiak garapen jasangarriari dagokionez duen posizionamendua hobetzea, Euskadin turismo arduratsua bultzatzeko.

Proiektu hau ereduaren erreplikagarritasunaren bidez duen trakzio-ahalmenagatik eta beste ingurune eta sektore batzuetan eragiteko duen gaitasunagatik nabarmentzen da.

AZTI Fundazioa da proiektuaren erakunde liderra, eta Basque Know How Fundazioak (BKHF) eta Gorka Izagirre Upategiak (BGI) ere parte hartzen dute.  BKHFren kasuan, gastronomiaren sektorea eta haren balio-katea bildu eta koordinatuko ditu. Bestalde, Gorka Izagirre upategia lehen sektorearekiko lokarria izango da, eta proiektuaren zerbitzura jarriko du bere ezagutza, baita proiektuaren zati horri ekiteko beharrezkoak diren bitartekoak ere.

Gaur goizean BBK Ekin ekintzailetza-programa abian jartzeko ekitaldia egin da, Bizkaiko gizarte-ekintzaileei laguntzeko. Aurkezpenean, parte hartzeko eta beren proiektuak inkubatzeko hautatutako 25 ekintzaileek beren ideiak aurkezteko aukera izan dute prozesu osoan zehar beraien lagun izan litezkeen mentore edo aholkularien aurrean.

Era berean, mentoreek beren burua aurkeztu eta beren esperientzia labur kontatu ahal izan dute, euren eta proiektuen artean uztartzerik dagoen aztertzen hasteko. Ondoren, hasierako prestakuntza-saio bat egiteko aukera izan dute programaren faseak ulertzeko, haien beharrizanetara egokitzen den mentore batekin `match’ egitearen garrantzia eta inkubazioaren xehetasun guztiak ulertzeko. Eta amaitzeko, apur bat informalago elkar ezagutzeko eta programari hasiera emango dion `match’ prozesua hasteko tartea izan dute ekintzaileek eta mentoreek.

Hautatutako ekintzaileek inkubazio-programa oso bat burutuko dute. Programa horretan, beren gizarte-enpresa egituratu eta baliozkotu ahal izango dute, beren ingurunean eragina izango duen negozio iraunkor edo jasangarri bat sortzeko helburuarekin. Programa amaitzean, hautatutako proiektuek negozio-plan bat garatuta izango dute eta laburpen exekutibo bat izango dute balizko inbertitzaileen aurrean aurkezteko prest. Ekosistemako adituek osatutako epaimahaiaren aurrean aurkeztuko dute parte-hartzaileek beren negozioa. Hiru proiektu onenek 10.000 €-rainoko saria jasoko dute.

Eragin edo inpaktuaren neurketa eta kudeaketa (INK) funtsezko lekua hartzen ari da Espainiako fundazio gehienen eguneroko jardunean. Halaz guztiz, hobetzeko konpromiso irmoa badago ere batez beste, lanaldi osoko 1,48 pertsonen baliokidea dedikatzen dira INKra, oraindik badago hobetzeko marjina sektore osoan inpaktu-datu gardenak eta alderagarriak sortzeko. Izan ere, Espainiako eta Europako fundazioen % 74k zailtasunak dituzte datuak biltzeko eta baliozkotzeko estrategia onenak egiteko. Hori da `Más allá de la rendición de cuentas. Cómo las fundaciones están aprendiendo a gestionar su impacto’ (Kontuak emateaz haratago. Zelan ari diren fundazioak beren eragina kudeatzen ikasten) txostenaren ondorio nagusietako bat; Esade Center for Social Impact (ECSI) erakundeak eta BBK banku-fundazioak egin dute txostena. Dokumentuak erakunde emaileen sektorearen egoera aztertzen du gizartean eta ingurumenean sortzen duten inpaktuaren neurketa eta kudeaketari (INK) dagokionez; 40 fundazio emailek ?horietako 21 espainiarrak dira? emandako informaziotik abiatuta egin da txostena.

Fundazioek beren helburu sozialak betetzen dituzten edo ez jakin behar dute, eta, horregatik, garrantzitsua da haien eragin edo inpaktua neurtzea eta kudeatzea. Ildo horretan, Espainiako fundazioen sektorea erritmo azkarrean ari da garatzen INKari dagokionez, nabarmendu du Lisa Hehenberger ECSIko zuzendari eta, Leonora Buckland, Laura Reijnders eta Deborah Gold ECSIko ikertzaileekin batera, txostenaren egileetako batek. Inpaktuaren neurketa eta kudeaketa errealitate onartua da gaur egun, eta XXI. mendeko edozein gizarte-erakunderen kudeaketan elementu kritikoa, dela fundazio bat, dela GKE bat, dela inpaktuarekin lotutako erakunde bat.  Gure lana, azken finean, erakunde horiei inpaktu handiagoa sortzen laguntzea da, beren jardueren bitartez, azaldu du Hehenberger-ek.

 

Erronkak: inpaktuaren eta kudeaketaren gardentasuna

Hala ere, Espainiako eta Europako fundazioak ?147.000 inguru dira, 511.000 milioi euro inguru kudeatzen dituzte aktiboetan eta zuzkiduretan (endowments), eta 60.000 milioi euro inguru ematen dituzte urtean?, beren eraginaren eta eguneroko kudeaketa-praktiken gardentasunari dagokionez, atzean geratzen ari dira beren homologo estatubatuarrekin alderatuta. Txostenean jasotako datuen arabera, Espainiako eta Europako fundazioek erronka teknikoei zelan mugitu INK metodologien panorama konplexuan eta praktikoei zelan txertatu inpaktua kudeatzeko jardunbide sendoak beren erakundeetan egin behar diete aurre. Hala ere, txostenak erakusten duen bezala, ikaskuntza-kultura sendoagoak garatzeko asmoa azkar ari da hazten.  Gainera, ongintzako fundazioek inpaktuaren neurketak planteatzen dituen erronka berriei egin behar diete aurre, gero eta gehiago planteatzen baitute zelan neurtu arazo sistemiko konplexuak: klima-aldaketa, desberdintasunak, pobrezia eta abar, inpaktu-metrika sinpleak gezurtatzen dituztenak.

 

Gizarte-ekintza neurtzea, hobetzeko

Gaur egun, fundazioek beren eragina kudeatzeko estrategia kokatzeko gehien erabiltzen dituzten bi tresnak hauek dira: Nazio Batuen GJHak (% 43k erabiltzen dute) eta aldaketaren teoriaren metodologia (% 82k hau ere aplikatzen dute). Biak ala biak lehen urratsa dira fundazioen sektorearen barruan lehentasunen eta irizpideen harmonizazioa hobetzeko. Hala ere, azterlanak ondorioztatzen du tresna horiek makro mailako gida diren arren, oraindik ere mikro mailan aurre egin beharreko erronkak daudela gizarte-erakundeen euren barruan, zaila baita bi hurbilketen artean harreman zuzena ezartzea.

Alderdi positiboa da fundazio emaileak xehetasun teknikoetatik haratago doazela eta gai estrategikoagoetan zentratzen direla, adibidez fundazioaren eta babestutako proiektuen arteko botere-dinamiketan, barneko nahiz kanpoko gaitasunen garapenean eta konfiantzaren eta kontu-ematearen arteko orekan.

Txosten honen informazioa Espainiako eta Europako Praktika Komunitateetako (PK) kideek eman dute. ESADEren ECSIk sortu zituen fundazio emaileen bi talde horiek 2020. urtearen amaieran, BBKrekin lankidetzan eta European Venture Philanthropy Association-ekin (EVPA) eta Espainiako Fundazioen Elkartearekin (AEF) elkartuta, gardentasun-maila, ezaupideen bateratzea eta Europako fundazioen sektorearen barruan trukea gehitu edo areagotzeko.

Bizkaiko Foru Aldundiak eta BBK erakundeak Belen Bilbaoren, Argitan Elkartearen eta Skolastika programaren lana aitortu dute 2022ko Emakumeen eta Gizonen Berdintasunerako Zirgari Sarietan.

Foru erakundeak eta BBKk ematen dituzten sari horien zazpigarren edizioan sarituak izan direnak jakinarazi dituzte gaur goizean, prentsaurrekoan, Teresa Laespadak, Enplegua, Gizarte Inklusioa eta Berdintasuna Sustatzeko foru diputatuak eta Nora Sarasolak, BBK-ko Gizarte Ekintzako zuzendariak.

Prentsaurreko hau Zirgariak (Dora Salazarren lana) eskulturaren ondoan egin da, hain zuzen ere sari hauek inspirazio iturri gisa gutxi gorabehera  duela mende bat itsasadarrean zehar euren indar fisiko eta zirga baten laguntzarekin ontziak atoian eramaten zituzten emakumeen lana hartzen dutelako.

Sariak emateko ekitaldia Bilboko BBK Salan egingo da (Kale Nagusia 19-21), martxoaren 7an, 18:00etatik aurrera, eta bertara joan nahi dutenek honako esteka honen bidez eman dezakete izena: www.bizkaia.eus/inscripcion_social.

Laespada diputatuak azaldu duenez, Berdintasuna ezin da agenda publikotik desagertu, sustrai matxista sakonak dituen gizarte batean bizitzen jarraitzen dugulako. Oraindik ere sari hauek oso beharrezkoak dira, itsasadarrean itsasontziak atoian eramaten zituzten zirgariek euren indar propioaren laguntza bakarrarekin egindako lan nekagarria gogorarazten baitute azpimarratu du.

Era berean, adierazi du ez dela egia dagoeneko Berdintasunean bizi garela, lortutako eskubideak eta askatasunak gorabehera, eta ezin dela onartu, ezta ere, emakumeen egoera ahazten ari garenik gure ahaleginak eta energiak pandemiaren eta horrek eragindako krisiaren aurkako borrokan zentratzeko.

Berdintasunak gure politiken eta ideien iparra markatzen jarraitzen du. Gure lanak, energiak eta ahaleginek oinarrizko printzipioa defendatzen jarraitzen dute: emakume bat ez dela gizon bat baino gutxiago nabarmendu du.

Bestalde, Nora Sarasola BBKren Gizarte Ekintza Arloko zuzendariak azpimarratu duenaren arabera, emakumeak ahalduntzea eta genero-berdintasuna sustatzea ezinbestekoa da garapen jasangarria bizkortzeko eta, 5. GJHaz gain, 2030 Agendak ezarritako gainerako helburu guztiak zeharkatzen dituen zeregina da. Emakume eta neskatoen aurkako diskriminazio-mota oro desagerraraztea ez da bakarrik oinarrizko giza-eskubide bat, izan ere, horrez gain, ondorio biderkatzailea du gainerako garapen-eremu guztietan.

SARITUAK

Sariei dagokienez, ibilbidearen saria Belen Bilbaorentzat da, erakundearen saria Argitan Zentroarentzat eta proiektuaren saria Skolastikarentzat.

Belen Bilbao medikua da eta ez da bere lanbidea betetzera mugatu, baizik eta, bere ohiko betebeharraz haratago, bere aisialdiaren eta bere indarren zati handi bat kolektibo behartsuen, bazterkeria-egoeran dauden pertsonen eta, bereziki, kalteberatasun-egoeran dauden emakumeen bizitza hobetzen laguntzera bideratu du.

Gaztetatik, batez ere unibertsitate garaian, parte hartze aktiboa izan zuen Bizkaiko Mugimendu Feministan, batez ere Emakumeen Asanbladan. Gogoratu behar da, halaber, ginekologiako 28.000 historia kliniko inguru pilatu dituela.

Barakaldoko Argitan Emakumearen Aholku Zentroa 1996an eratu zen indarkeria matxista eta horren ondorio guztiak salatzeko eta politika feministak sustatzeko beharra agerian uzteko.

Argitan Zentroak batez beste 350 emakume jasotzen ditu urtean; beraz, 26 urteko ibilbidean indarkeria matxistaren eta desberdintasunaren 8.700 biktima baino gehiago artatu ditu, aholkularitza juridikoa, lanekoa, laguntza psikologikoa eta gizarte-prestazioei buruzko informazioa eskainiz.

Skolastika, berriz, literatura, feminismoa eta aldarrikapena batzen dituen proiektua da. Emakumeen iragan literarioaren berri ematen digu  eta hori guztia  tailer, hitzaldi, mintegi eta literatur ikastaroen bidez aldarrikatzen du. Eta bere lan hori nortasun propioarekin garatzen  du, emakumeen talentuaren eta sorkuntzen aurkako estereotipoak eta aurreiritziak eraisten laguntzen duen metodologia parte-hartzailea erabiliz.

Prentsaurrekoan hil berri den  eta Zirgari Sarietako epaimahaikidea izan zen Lucí­a Martí­nez Odriozola kazetaria ere gogoratu dute.

 

 

Ziur aski, istorio bat kontatuko banizu, non bi pertsona ari diren berbetan eta batak besteari galdetzen dion: Zuk zer izan gura duzu handitan?, zure buruan istorio horretako pertsonaiak adin txikikoak izango lirateke, elkarrekin edo pertsona helduekin solasean. Hau da, oraindik bizitza luzea eta garatzeko potentziala duen jendea.

BBKSasoikon galdera hori da gure ekintzaren argudioa.  Ez bakarrik Zuk zer izan gura duzu handitan? baita ere Nor izan gura duzu handitan?.

Gizarteak 20 urte inguru luzatu du bizi-itxaropena azken mende-erdian; horregatik, gaur egun galdera hori egin diezaiokegu geure buruari heldu nagusi arora iristean. Belaunaldi pribilegiatua garelako. Izan ere, etapa berri hau, oro har, osasun onaz bizi dugu, eta baldintza ekonomiko onetan. Hau da, aurrez jendeak, orokorrean behintzat, inoiz gozatu ezin izan duen bezala.  Pertsona pribilegiatuak gara eta ez dugu gure oparia alferrik galdu behar. Ezin dugu bizi gure bizitzako etapa berri hau orain arte zahartzaroa bizi zen bezala.

Opari bat

Opari bat jasotzen dugun belaunaldia gara. Bizitzeko denbora moduan datorren opari bat, eta hori kudeatzeko orduan geurea da ardura eta erantzukizuna. Duela gutxira arte, erretiroa hartzean, bizitzaren balantzea besterik ez zen egiten. Gaur egun, lan- eta familia-etaparen balantze horrekin batera, etorkizun-proiektu bat egin behar da. Sinesten ez baduzu ere, normalean bizitza-urte asko geratzen zaizkizu sasoian, egoera onean. Eta orain bizitzea dagokizu.

Etapa berri hau rol eta eginkizun berriekin bizitzea egokitzen da. Dagoeneko ez duzu zeure burua lanpostuaren arabera definitzen, eta ia seguru ezta halakoaren aita edo ama izateagatik ere. Orain rol edo eginkizun berriak dituzu bizitzan zeure burua definitzeko. Orain, gainera, zure (b)iloben amama edo aitaita ere bazara. Eta zer gehiago? Pertsona batzuek beren proiektu irrikatuak edo zapuztuak berreskuratzen dituzte, lehenago, familia- edo lanbide-konpromisoak zirela eta, denbora-faltagatik egin ezin izan zituztenak. Batzuek argi dute, ondo baino hobeto dakite zer, zelan, noiz eta non erantzun etapa berri honetako beharrizan eta gurariei. Baina badira argi ez dutenak ere, konturatu ere egin ez direnak ezin direla urteak eta urteak egon bizitza-proiekturik gabe. Horixe nahi duela edo, beste barik, horixe baino ez dagoela uste duen jendea da, baina ez dakite etapa berri hau bizitzaz bete dezaketela.

Zahartze aktiboak, ziur aski askotan entzungo zenuen honetaz, funtsezko lau alderdi proposatzen ditu helburutzat: osasuna, parte-hartzea, segurtasuna eta bizitza osoko ikaskuntza. Guk ere, BBKSasoikon, ikuspegi horren alde egiten dugu, eta lau zutabe horiek zelanbait sendotzen laguntzen duten esperientzia guztietara irekitzen gara. Hori bai, ez edozelan, BBKSasoikon zu baitzara protagonista. Guk proposatu, eskaini, lagundu, koordinatu, kudeatu eta lagundu egiten dugu bizitzak ematen dizun opari hau hobeto kudeatzen lagunduko dizun guztian. Eta beti esparru komunitario batean, zuk bezalaxe gauzak egiten, ikasten, urteei bizia ematen jarraitu gura duen jende gehiagorekin.

BBKSasoiko, zahartzen ari garen heinean, heldu nagusien parte-hartzearen sustapen berritzailerako gunea da. Zahartzea bizitzea delako. Guretzat, heldu nagusien etapa zahartze hutsa baino askoz gehiago da. Bizitzea da, eta bizitzea zaintzen ikastea da, parte hartzen ikastea, pertsona gisa behar ditudanak ikastea, seguruago egoteko, eta, beraz, bizitza osoan zehar ikasteko prest egoten ikastea, nire ahalduntzea sendotzen laguntzeko pertsona gisa, heldu nagusi gisa ere bai, jakina.

Seguru, zure interesekoak izango diren hainbat jarduera aurki ditzakezun gunea da BBKSasoiko. Baina, gainera, entzun egingo dizugu. Zure kezkak eta beharrizanak entzuten ditugu, eta, horrela, gure eskaintza egunetik egunera aldatuz doa, premia edo beharrizan komunak detektatzen ditugun eta erantzun mesedegarria emateko gai garen neurrian. BBKSasoikon pertsona bakoitza da protagonista, askotariko baliabideak behar dituzten ibilbide ugariko mapa batean.

BBKSasoikon zure burua garatzeko proiektuak aurkituko dituzu: tailerrak, hitzaldiak eta abar,   baina ikasteko gaiak ere proposatu ahal izango dizkiguzu. Tailer oso interesgarriak aurkituko dituzu, helduarorako gaitasunak lortzeko edo baita taldean egindako proiektuen garapenean protagonista izateko ere, proiektu horiek landuko dituztenen grina zuk duzun grina berbera baita.

Egiten dugunaz jakinean egon gura baduzu, ez izan zalantzarik eta pasa Bilboko Erronda kalean z/g-an dugun lokaletatik edo bisitatu sarean dugun gunea.

Zure zain gaude! Zu zara protagonista BBKSasoikon!

BBK Kuna: GJHen Etxeak Etorkizuneko Biztanleak aurkeztu du gaur goizean, Eider Inunciaga BBK Kunako zuzendariaren eta Braulio Gómez Deustobarometro-aren zuzendariaren eskutik. Proposamen horren helburua da herritarrak jartzea gizarte osoari eragiten dioten eta gizarte osoa interpelatzen duten funtsezko gaien ?adibidez, lan, garraio, elikadura edo modaren? eztabaidaren erdigunean.

Proiektu honen esparruan, aukeratutako gai bati buruzko inkesta bat bultzatuko du BBK Kunak, urtean birritan. Emaitzekin eta ondorioekin, jardunaldi batzuk antolatuko dira BBK Kunan, eta inkestari erantzun dioten 20 pertsonak parte hartuko dute, erakundeetako ordezkariekin eta ahots adituekin batera. 

Aukeratutako gaiari eta azterlanean ateratako ondorioei buruzko gogoeta- eta eztabaida-mahaiak izango dira jardunaldietan.

Hautatutako lehen gaia LANAREN ETORKIZUNA izan da, eta gai horri lotutako elkarrizketak apirilaren 7an egingo dira.

Argibide gehiago: www.kuna.bbk.eus