Gure historia

Garai hartan aurrezki kutxek aurreztea sustatzen zuten eta herritarrei oinarrizko finantza-zerbitzuak ematen zizkieten irabazi asmorik gabeko entitateak ziren, ordura arte banku-sistematik kanpo zeudenak.

1920an Bizkaiko Aurrezki Kutxaren helburu nagusia zahartzaroko asegurua ezartzea izan zen. Horrez gain, sustatzaile eta sortzaile gisa, Kutxak Aldundia finantzatu zuen, kapitala eman zion ongintza-politika propioa zabaltzeko.

Hasieratik, BBK ezaguna izan zen gizarte ekintzagatik. Ikuspegi ekonomikotik, negozioaren kudeaketa zuhurra eta serioa egin du. Landa eremua eta behartsuenak lagundu zituen finantzarioki, eta lurraldea garatzeko funtsezko azpiegiturak sortzea bultzatu zuen.

BBK entitateak bankuko jarduera eta industriako partaidetza guztiak eman zizkion Kutxabank entitate berriari, zegokion partaidetzaren ehunekoa lortuz entitate berrian, % 57.

2014an, desinbertitzeko (burtsara aterata edo aktiboak salduta) edo Kutxabanken kontrola mantentzeko aukeraren aurrean, BBK entitateak erabaki estrategiko bat hartu zuen: Kutxabanken kontrola mantentzea, legeak ezarri bezala, independentzia, tokiko errotzea eta epe luzerako jasangarritasuna bermatuko zituen erreserba funtsa sortzeko. Era berean, erabaki horrekin bankuari hazten jarraitzeko eta ratioak hobetzeko behar duen egonkortasuna eman zitzaion.

Banku-fundazio bihurtu zenetik, BBK egun eragile ekonomiko-finantzario-soziala da, eta inbertsioen bidez Bizkaiko ekonomia, hazkunde ekonomikoa eta enplegua sustatzen laguntzen du.