Hasiera / Zer garen / Gardentasuna

Gobernu korporatiboa

BBK Banku-fundazioaren ustez, gardentasuna konpromiso irmoa da bere mezu eta jardueren argitasunarekin eta koherentziarekin. Anbiguotasunak eta nahasteak saihesten ditu, eta interes talde guztientzat baliagarria eta garrantzitsua den informaziorako sarbidea bermatzen du.

Patronatua

Patronatua BBK Banku-fundazioaren gobernu- eta ordezkaritza-organo gorena da. Fundazioaren helburuak betetzen direla eta ondarea osatzen duten ondasunak eta eskubideak behar bezala kudeatzen direla zaintzea da bere erantzukizun nagusia.

Legelaria eta ekonomialaria da, eta ibilbide luzea du sektore publikoan zein pribatuan, gobernu instituzionalean eta zuzendaritza estrategikoan. Zuzenbidean lizentziatua eta Ekonomia Zientzietan diplomatua da Deustuko Unibertsitatean, eta bere prestakuntzaren osagarri ditu Administrazio Zuzenbide, Lurralde Antolaketa eta Jasangarritasuneko graduondoko ikasketak, Praktika Juridikoko Masterra eta goi-zuzendaritzako ESADE programa administrazio-kontseiluetan eta eraldaketa digitalean. Bere profilak oinarri juridiko eta ekonomiko sendoa uztartzen du gobernu on, berrikuntza eta jasangarritasunera bideratutako zuzendaritza-ikuspegiarekin.

Bere ibilbidean zehar goi-mailako ardurak izan ditu, eta azpimarratzekoa da 2015 eta 2023 artean Bizkaiko Ahaldun Nagusi izan zela, baita aldez aurretik alkate, legebiltzarkide eta foru-diputatu ere.

Garraioan, industrian, berrikuntzan eta kulturan estrategikoak diren erakundeen ―besteak beste, Metro Bilbao, Bizkaiko Garraio Partzuergo, AIC, Bilbao Ria 2000 edo Guggenheim Bilbao eta Arte Ederren museoen― administrazio-kontseiluetako eta patronatuetako buru eta kide izan da.

BBK banku-fundazioan sartu aurreko azken etapan, 1.500 milioi euro inguruko ondarea duen Elkarkidetza BGAEko presidente exekutibo gisa gobernu korporatiboaren eta inbertsioaren esparruan garatu du bere jarduera, eta finantzen, kudeaketa instituzionalaren eta gizarte-konpromisoaren arloan duen esperientzia sendoaren ekarpena egin du.

Zuzenbidean lizentziaduna, Ekonomia espezialitatean, Deustu-Bilboko Unibertsitatean. Gaur egun Athletic Clubeko Zuzendari Nagusia eta Bilbao Bizkaia Kutxa-BBK Banku-fundazioko Presidenteordea da. Kirol profesionala maila gorenean kudeatzen egin du bere ibilbidea, eta hizlari gisa parte hartzen du futbol profesionalaren nazioarteko erakunde nagusietan.

Zuzenbidean lizentziatua Deustu-Bilboko Unibertsitatean. Bizkaiko Foru Aldundiko eta Obra Sozialeko Saileko Urgazpen Sozialerako Foru Erakundeko letradu aholkularia da. Gainera, irakasle tutorea da Zuzenbide Fakultatean, Filosofia Moral eta Politikoko Sailean, Urrutiko Hezkuntzarako Unibertsitate Nazionalean (UHUN). Eusko Jaurlaritzako Lan eta Gizarte Segurantza zuzendaria izan da.

35 urteko esperientzia metatua duen bankako profesionala. Banco Bilbaon sartu zen, Bulegoko Zuzendaria izan zen, Banka Komertzialeko zuzendaria, Banka Pertsonaleko zuzendaria, eta hainbat sail eta negoziatutan egon ondoren, bankuaren Administrazio Kontseiluko kide izatera iritsi zen. 2012an Kutxabank S.A.-ren Administrazio Kontseiluan sartu zen, eta 2019an BBKren Patronatuan sartu zen. Bilboko Elizbarrutiko Caritasen kudeaketan ohiko kolaboratzailea da.

Ekonomia eta Enpresa Zientzietan lizentziaduna Deustu-Bilboko Unibertsitatean eta Kudeaketa Aurreratuko Masterra Deusto Business Schoolen. Estrategia aholkularia izan da KPMGn, Prestakuntza zuzendaria BBVAn eta Talentu zuzendaria EiTBn. Gaur egun, Erakunde Eraldaketan eta Lidergoan espezializatutako Vesper enpresako bazkidea da. Deustuko Unibertsitateko Gobernu Kontseiluko eta Orkestrako Administrazio Kontseiluko kide ere bada. Aurretik, Labayru Fundazioko Kontseilu Errektoreko eta CAFeko Administrazio Kontseiluko kide izan zen.

Alba Álvarezek 15 urte baino gehiagoko esperientzia du nazioarteko enpresetan taldeak gidatzen eta eragiketak kudeatzen. Delegate Solutions-en bazkide fundatzaile gisa, antolaketa eraldatzeko eta aldaketa kudeatzeko estrategiak garatu eta ezarri ditu. Bere ibilbidean zehar, funtsezko karguak izan ditu Decathlon bezalako multinazionaletan, non irekiera estrategikoak gidatu zituen, helburu operatibo eta finantzario nabarmenak lortuz. Giza ikuspegiarekin eta, aldi berean, emaitzetara bideratuta, Alba funtsezko profesional gisa finkatu da lidergoaren eta enpresa eraginkortasunaren kudeaketan

Zuzenbidean lizentziatua Deustu-Bilboko Unibertsitatean eta abokatua jardunean. Bolsa de Valores de Bilbao, S.A.U.-ren Sozietate Zuzentzailean sartu zen 1990ean, Aholkularitza Juridikoko Sailaren ardura hartuz, eta, ondoren, Gainbegiratze eta Merkatu zuzendari izendatu zuten. 2000. urtean zuzendariorde nagusi izendatu zuten, eta 2015ean Bilboko Burtsako presidente. Deustuko Unibertsitateko irakaslea izan da Finantza Zuzenbidea irakasgaian 2002tik 2014ra. Gaur egun, Bolsas y Mercados Españoles, Sistemas de Negociacion S.A.-ko presidentea da, eta Deustuko Unibertsitateko Enpresa Zuzenbideko Masterreko irakaslea.

Enpresen Administrazioan eta Zuzendaritzan lizentziatu zen Euskal Herriko Unibertsitatean, eta London School of Economicsen eta Leuveneko Unibertsitatean osatu du bere prestakuntza, baita beste espezializazio programa batzuekin ere. Gaur egun, Garapen Korporatiboko zuzendaria da DOMINIONen, eta Zuzendaritza Batzordeko kide da. Nazioarteko ibilbidea eta esperientzia ditu industria eta teknologia enpresetan, negozioen kudeaketaren eta kapital merkatuen eremuetan.

Enpresen Administrazio eta Zuzendaritzan lizentziatu zen Euskal Herriko Unibertsitatean, eta 1991n Bizkaiko Aurrezki Kutxan hasi zen lanean. BBK Aurrezki Kutxan eta, ondoren, Kutxabanken garatu zuen bere ibilbide profesionala. Hainbat kargu izan zituen, hala nola Arriskuen Analista, Finantza Aholkularia edo Bulegoko Zuzendaria. Ondoren, ikastaro monografiko batzuk egin ditu UNEDen (Bizkaiko Urrutiko Hezkuntzarako Unibertsitatea), Gizarte Antropologiari, Euskal Foru Zuzenbideari, Gatazka Juridikoen Konponbideari eta Historia Garaikideari buruz.

Enpresen Administrazioan eta Zuzendaritzan lizentziaduna Galesko Unibertsitatean (Britainia Handia), eta Europako Integrazioko Unibertsitate Masterra Euskal Herriko Unibertsitatean. Bilboko Udal Aurrezki Kutxan sartu zen 1978an, eta BBK Aurrezki Kutxan eta, ondoren, Kutxabanken garatu zuen bere ibilbide profesional osoa. Bertan, hainbat kargu izan zituen: Gizarte Ekintzako Zentroko zuzendaria, Antolakuntzako teknikari eta analista, Hizkuntza Normalkuntzako Koordinatzailea edo Obra Sozialaren arduraduna Lankidetzan. Gaur egun Athletic Club Fundazioko patroia da

Informazio Zientzietan lizentziatua (Kazetaritzan espezializatua) Euskal Herriko Unibertsitatean, Komunikazio Estrategiko eta Korporatiboko Aholkularia da. Kazetaritzaren arloko jarduera profesionala Cinco Días, Empresa XXI (zuzendaria) eta Estrategia Empresarial (zuzendaria) argitalpenetan garatu du. Ospe handiko enpresa eta erakundeen komunikazio plan estrategiko ugari gidatu ditu, eta komunikazio klaseak eman ditu hainbat masterretan. Gaur egun, APNABI-Autismo Bizkaia elkarteko presidentea, FEVAS-Plena Inclusión erakundeko Zuzendaritza Batzordeko kidea eta BBK Banku Fundazioko Patronatuko kidea da.

Zientzia Politikoetan eta Soziologian lizentziatua (Deustuko Unibertsitatea), Soziologian doktorea (Nafarroako Unibertsitate Publikoa), Komunikazioaren Kudeaketako masterra (Bartzelonako Unibertsitate Autonomoa) eta Marketin Digitalaren eta Enpresa Komunikazioaren Zuzendaritzako masterra (ESDEN). Gaur egun, Deustuko Unibertsitateko irakaslea da, eta Globernance izeneko Gobernantza Demokratikoaren Institutuko ikerketa-taldeko kidea. Aurretik, irakasle aritu zen bi hamarkadatan Nafarroako Unibertsitate Publikoan. Bilboko Udaleko zinegotzia eta legebiltzarkidea izan da. EITBrekin kolaboratzen du gaurkotasuna aztertzeko solasaldietan.

Zuzenbidean lizentziaduna Deustuko Unibertsitatean, 40 urteko esperientzia profesionala abokatu bezala. Bizkaiko Abokatuen Elkargoko Gobernu Batzordeko kide izan da, eta Higiezinen Jabetzako agente ere izan da. Athletic Clubeko presidentea eta Espainiako Futbol Federazioko kidea izan zen.

Ekonomia eta Enpresa Zientzietan lizentziatua Euskal Herriko Unibertsitatean, Masterra (MSC) Urban and Regional Economic Studies-en (London School of Economics and Political Science) eta Ikertzailea Industrial Economics-en (London School of Economics and Political Science). Lagun Aro-Borondatezko Gizarte Aurreikuspeneko Erakundeko Inbertsioen Zuzendaria (CIO) izan da bi hamarkada baino gehiagoz. Ohiko hizlaria da nazioko zein nazioarteko kongresu eta hitzaldietan, inbertsioei, pentsio-funtsei eta politika ekonomikoari buruz.

Ekonomia eta Enpresa Zientzietan lizentziatua Euskal Herriko Unibertsitatean eta Enpresen Kudeaketako Masterra Euskal Herriko Unibertsitatean. Prestakuntza osatzeko, Zerga Zuzenbideko eta Zerga Aholkularitzako Diploma lortu zuen. Administrazio eta Kontabilitate zuzendari gisa jardun du hainbat enpresatan, eta 1993tik Ariz Asesores S.L. aholkularitzako arlo fiskaleko bazkide fundatzailea eta arduraduna da. BBK Aurrezki Kutxako kontseilaria izan da, eta gaur egun Bilboko Merkataritza Ganberako diruzaina eta Batzorde Betearazleko kidea da.

Zuzenbidean lizentziatua, Ekonomia espezialitatean, Deustu-Bilboko Unibertsitatean, Zuzenbidean doktorea Euskal Herriko Unibertsitatean eta abokatua jardunean. Finantza eta Zerga Zuzenbideko irakaslea izan da Euskal Herriko Unibertsitatean, Deustuko Unibertsitateko Zuzenbide Fakultatean eta Deusto Business School-Bilbaon. Fundazioen araubide juridikoari buruzko hainbat artikulu eta monografia argitaratu ditu. Gaur egun, Aholkularitza Juridikoko zuzendaria eta BBK-ko idazkari nagusia da.

Batzorde delegatuak

Patronatuko kideek osatzen dituzte batzordeak, beren borondatez, espezializazio-, arrazionaltasun- eta pertsona bakoitzaren profilerako egokitasun-irizpideak kontuan hartuta. Kide guztien partaidetza aktiboa eta askotarikoa sustatzea du helburu.

Jon Berasategi Zabala Jn. (Presidentea)
Ana María Urquijo Elorriaga And. (Presidenteordea)
Fidel Martínez Ruiz Jn.
Begoña Ortuondo Larrea And.
Roberto Zárate Amigorena Jn.
Javier Aldazabal Etxebarria Jn. (idazkaria)

Begoña Ortuondo Larrea And. (Presidentea)
María Begoña Achalandabaso Manero And.
Alba Alvarez Rodriguez And.
María Aranzazu Gandariasbeitia Ugalde And.
Fidel Martínez Ruiz Jn.
José Miguel Pulgarín Romero Jn.
Ana María Urquijo Elorriaga And.
Javier Aldazabal Etxebarria Jn. (idazkaria)

Jon Berasategi Zabala Jn. (Presidentea)
Ane Agirre Romarate And.
Manuel Ardanza Fresno Jn.
Cristina Ruiz Bujedo And.
Roberto Zarate Amigorena Jn.
Javier Aldazabal Etxebarria Jn. (idazkaria)

Unai Rementeria Maiz Jn. (Presidentea)
María Begoña Achalandabaso Manero And.
Ane Agirre Romarate And.

Jon Berasategi Zabala Jn.
Patricia Berjón Martín And.
Fidel Martínez Ruiz Jn.
Francisco Javier Urtasun Zabalo Jn.
Ana Urquijo Elorriaga And.
Roberto Zarate Amigorena Jn.
Javier Aldazabal Etxebarria Jn. (idazkaria)

Dokumentu korporatiboak

BBK Banku-fundazioan bikaintasuna gure kudeaketa ereduaren zutabe gisa ulertzen dugu. Horregatik, gure dokumentu korporatiboak eguneratu eta egokitzen ditugu, sektoreko praktika onenen arabera, jarduera esparru sendoa, koherentea eta gure balioekin lerrokatua bermatuz.