Kategoria: Pertsonak

[fusion_builder_container type=”flex” hundred_percent=”no” equal_height_columns=”no” menu_anchor=”” hide_on_mobile=”small-visibility,medium-visibility,large-visibility” class=”” id=”” background_color=”” background_image=”” background_position=”center center” background_repeat=”no-repeat” fade=”no” background_parallax=”none” parallax_speed=”0.3″ video_mp4=”” video_webm=”” video_ogv=”” video_url=”” video_aspect_ratio=”16:9″ video_loop=”yes” video_mute=”yes” overlay_color=”” video_preview_image=”” border_color=”” border_style=”solid” padding_top=”” padding_bottom=”” padding_left=”” padding_right=””][fusion_builder_row][fusion_builder_column type=”1_1″ layout=”1_1″ background_position=”left top” background_color=”” border_color=”” border_style=”solid” border_position=”all” spacing=”yes” background_image=”” background_repeat=”no-repeat” padding_top=”” padding_right=”” padding_bottom=”” padding_left=”” margin_top=”0px” margin_bottom=”0px” class=”” id=”” animation_type=”” animation_speed=”0.3″ animation_direction=”left” hide_on_mobile=”small-visibility,medium-visibility,large-visibility” center_content=”no” last=”true” min_height=”” hover_type=”none” link=”” border_sizes_top=”” border_sizes_bottom=”” border_sizes_left=”” border_sizes_right=”” first=”true”][fusion_text]

BBK Familyk, Pepa Horno psikologoarekin eta Mar Romera pedagogoarekin batera, “Bizkaiko familien beharrizanei buruzko azterketa. Gurasoen gaitasunak hazkuntzan” lanaren emaitzak eta ondorioak aurkeztu ditu Bizkaia Aretoan. Txosten horren bidez erantzuna eman gura izan zaie honelako itaun edo galderei: “Zer guraso-gaitasun dituzte Bizkaiko familiek?  Zer ahulezia eta zer indargune dira ohikoenak?  Gaur egun, seme-alaben hazkuntzarako, zer laguntza-mota erabiltzen dituzte Bizkaiko familiek, eta zergatik?”.

Azterketan egiaztatu da kontzientzia eta sentsibilitate handia dagoela seme-alaben hazkuntzari eta horrek eskatzen dituen gaitasunei dagokienez, baina egia da emaitzek agerian uzten dutela sentsibilizazio hori, neurri handi batean, teorikoa dela praktikoa baino gehiago. Esate baterako, galdetutakoen ia % 90ek onartzen dute gauzak beren kabuz egitera bultzatzen dituztela seme-alabak. Hala ere, % 11,3k soilik aitortzen dute seme-alabei ez dietela laguntzen eskolako lanak etxean egiten, eta, horrela, beraien autonomia mugatzen dute bakardadean egin beharko lituzketen zereginetan.

Autoestimuari dagokionez, umeak zeregin bat garatzen duenean egiten duen ahalegina, eta ez emaitza bakarrik, balioesten dute % 93,8k; % 87,5ek zer egiten duen ondo eta zer hobetu dezakeen esaten diote bere seme edo alabari, eta % 87,1ek berarengan benetan ikusten dituzten ezaugarriak esaten dizkiote.

Mugikorrak, distrakzio-bide bat

Teknologiek ere eragina dute familien egunerokoan. Mugikorrek distrakzioak eta etenaldiak eragiten dituzte familia-harremanetan. Hamar gurasotik zortzik aitortzen dute gailu horri begira egoten direla haurrarekin zerbait egiten ari direnean, eta horrek, zalantza barik, eragina du konfiantzazko harremanetan eta etxean lotura afektiboak sortzerakoan.

Hazkuntzarako gaitasunei dagokienez, generoaren arabera bereizita, gizonek hobetzeko tarte handiagoa dute, adibidez, honelakoetan: beren seme-alabei maite dituztela esplizituki erakusteko edo haiekin zerbait egiten ari direnean mugikorretik deskonektatzeko. Era berean, jokabide txar baten aurrean aurrez iragarritako ondorioak betearazteko orduan, ez dira hain zorrotzak izaten, eta are gehiago kostatzen zaie beren akatsak aitortzea seme-alaben aurrean.

Emakumeen kasuan, hobekuntza-marjina handiagoak ikusten dira beren buruaren zaintzan; izan ere, ia ez dute beren buruarentzako tarterik, gustatzen zaiena egiteko; gainera, seme-alabekin eztabaidatzeko orduan, arinago galtzen dute baretasuna, eta oihuka hasten dira.

Bestalde, guraso-gatazkari edo -estresari eta emozioen erregulazioari buruzko gaitasunak dira, aztertutako guztien artean, azterketan okerren agertzen direnak, eta hori kontziliazio- eta bizipen-zailtasunen eta emozioen erregulazioaren ondorio izan ohi da.

Baduzu hazkuntzarako laguntza-sarerik?

Hazkuntzan laguntza informaleko sarerik ─hau da, laguntza emateko moduko familia, lagunak eta abar─ baduten galdetuta, kontsultatutako hiru pertsonatik batek dio ez duela horrelako sarerik. Horregatik, agian, kontsultatutako lau pertsonatik ia hiruk gizarte- eta hezkuntza-laguntzako baliabideak erabili ohi dituzte eskolaldian, hala nola haurtzaindegi-zerbitzua edo goiztiarrak, jantokia eta abar. Gainera, % 66k horrelako baliabideak erabiltzen dituzte oporraldietan. Era berean, galdetutako pertsonen ia % 20k kontratatutako pertsona batengana jotzen dute, gutxienez noizean behin, seme-alaben hazkuntzan lagun diezaien.

Guraso gisa trebatzeari dagokionez, kontsultatutako pertsonen ia % 10ek askotan erabiltzen dituzte baliabideak hazkuntzarako dituzten gaitasunak osatzeko, eta % 35,5ek ere erabiltzen dituzte noizean behin horrelako baliabideak. Baina, alde horretatik, emakumeek gizonek baino askoz maizago erabiltzen dituzte horrelako baliabideak. Kontziliazio-neurriez baliatzen diren pertsonak nabarmen sentikorragoak dira arlo horretan dituzten gaitasunak osatzeko baliabideak bilatzeko ere.

Ikerketan 6 eta 12 urte bitarteko seme-alabak dituzten familiek parte hartu dute.

BBK Family 2019ko azaroan sorturiko proiektua da, BBK-k, EDE Fundazioak eta Bidegintza GEKek bultzatua, eta Bizkaiko familiei seme-alaben hazkuntzan eta hezkuntzan laguntzea du helburu.

Argibide gehiago: www.bbkfamily.eus

[/fusion_text][/fusion_builder_column][/fusion_builder_row][/fusion_builder_container]

[fusion_builder_container type=”flex” hundred_percent=”no” equal_height_columns=”no” menu_anchor=”” hide_on_mobile=”small-visibility,medium-visibility,large-visibility” class=”” id=”” background_color=”” background_image=”” background_position=”center center” background_repeat=”no-repeat” fade=”no” background_parallax=”none” parallax_speed=”0.3″ video_mp4=”” video_webm=”” video_ogv=”” video_url=”” video_aspect_ratio=”16:9″ video_loop=”yes” video_mute=”yes” overlay_color=”” video_preview_image=”” border_color=”” border_style=”solid” padding_top=”” padding_bottom=”” padding_left=”” padding_right=””][fusion_builder_row][fusion_builder_column type=”1_1″ layout=”1_1″ background_position=”left top” background_color=”” border_color=”” border_style=”solid” border_position=”all” spacing=”yes” background_image=”” background_repeat=”no-repeat” padding_top=”” padding_right=”” padding_bottom=”” padding_left=”” margin_top=”0px” margin_bottom=”0px” class=”” id=”” animation_type=”” animation_speed=”0.3″ animation_direction=”left” hide_on_mobile=”small-visibility,medium-visibility,large-visibility” center_content=”no” last=”true” min_height=”” hover_type=”none” link=”” border_sizes_top=”” border_sizes_bottom=”” border_sizes_left=”” border_sizes_right=”” first=”true”][fusion_text columns=”” column_min_width=”” column_spacing=”” rule_style=”” rule_size=”” rule_color=”” hue=”” saturation=”” lightness=”” alpha=”” content_alignment_medium=”” content_alignment_small=”” content_alignment=”” hide_on_mobile=”small-visibility,medium-visibility,large-visibility” sticky_display=”normal,sticky” class=”” id=”” margin_top=”” margin_right=”” margin_bottom=”” margin_left=”” fusion_font_family_text_font=”” fusion_font_variant_text_font=”” font_size=”” line_height=”” letter_spacing=”” text_transform=”” text_color=”” animation_type=”” animation_direction=”left” animation_speed=”0.3″ animation_offset=””]

Jakina da 65 urtetik gorako emakumeek emakume gazteek baino gehiago jasaten dutela genero-diskriminazioa, eta, hala ere, emakume horien errealitateak gutxiago artatzen eta ulertzen dira. Gai tabua izaten jarraitzen du, batzuetan estigma ere bai hori pairatzen dutenentzat. Euskadin ere baden gaitz honen tamaina ezagutzen ez den arren, bere garrantzi sozial eta morala eztabaidaezina da. BBK-k, adinekoen beharrizanekin duen konpromisoaren barruan, kolektibo horri informazio- eta sentsibilizazio-tresnak ematearen alde egiten du, arazo hori identifikatzeko eta edozein indarkeria- eta diskriminazio-zantzuri aurre egiteko estrategia gisa.

Azaroaren 25a Emakumearen aurkako Indarkeria Ezabatzeko Nazioarteko Eguna izendatu zuen Nazio Batuen Batzar Nagusiak. Indarkeria-mota hori fenomeno ikusezin bihurtu da hainbat hamarkadatan, eta desberdintasunaren adierazpen argienetako bat izan da, “munduko krimenik isilduena”, 1980an Emakumearen Egoera Juridiko eta Sozialari buruzko Munduko II. Konferentziak ezarri zuen bezala.

Oraindik ere errealitate ikusezina eta isildua da, eta are gehiago adineko emakumeen kolektiboan, emakume gazteek baino neurri handiagoan jasaten baitute genero-diskriminazioa, eta adineko gizonezkoek baino neurri handiagoan adinagatiko diskriminazioa. Diskriminazio bikoitz hori adineko emakumeen aurkako indarkeriaren ikusezintasunaren oinarrian dago; izan ere, emakume horien kasuak gutxiago ulertzen eta artatzen dira, bai ingurukoen, bai baliabide publikoen aldetik.

Problematika hori, gehiegitan, ez da halakotzat identifikatu ere egiten, eta, horren ondorioz, emakume asko isilik eta beldurrez egon dira urteetan. Horrela ondorioztatzen da Genero Indarkeriarako Gobernuaren Ordezkaritzak 2019an argitaratutako ‘Mujeres mayores de 65 años víctimas de violencia de género’ (Genero-indarkeriaren biktima diren 65 urtetik gorako emakumeak) azterlanetik, non inkestaturiko emakumeen % 98k aitortzen duten beldurra emozio nagusia dutela beren bizitzetan. Hain zuzen ere, beldur horren ondorioz, galdetutako emakumeen % 40k bere bikotekide-bizitzan senarrak eragindako genero-indarkeria jasan dute, 40 urtez baino gehiagoz maila fisikoan, psikologikoan, sexualean eta/edo ekonomikoan gauzatua.

Txostenak adierazten du, halaber, adineko emakumeen aurkako genero-indarkeria gutxiago salatzen den fenomenoa dela; izan ere, gizarte- eta familia-inguruneak, eta are profesional soziosanitarioek ere, askotan, lesioak eta portaerak zahartze-prozesuarekin lotzen dituzte, eta ez indarkeria-ekintzekin, adineko emakumeak direnean. Indarkeria-mota hori ikusezin bihurtzen da, halaber, indarkeria pairatzen duten emakumeek ez dutelako beren burua biktimatzat hartzen, indarkeria beren bizitzen parte izatera igaro baita, eta horrek zaildu egiten du laguntza eskatzea edo salaketa jartzea. Izan ere, % 33,8k soilik jo dute laguntza mediko, psikologiko, sozial edo legaleko zerbitzuetara, eta aldi berean 65 urtetik beherako biktimen % 46,8k.

Sentsibilizazio- eta kontzientziazio-kanpainak, beraz, funtsezkoak dira adineko emakumeen kolektibo horrek bere egoerari izena jarri ahal izateko eta, epaituak sentitu barik, beren kontakizuna  partekatze aldera espazio seguruak aurkitzeko. Euskadin, Etxeko Indarkeriaren edo Sexu Erasoen Biktima izan diren Emakumeentzako Informazio eta Arreta Zerbitzuaren (SATEVI) 2021eko bigarren hiruhilekoko txostenak berresten du indarkeriaren biktima diren 60 urtetik gorako emakumeen deiek gorakada handia izan zutela aurreko urteko bigarren hiruhilekoarekin alderatuta (% 16,25; 2020an, aldiz, % 11,34). Datu horiek sentsibilizazio- eta informazio-ekimenei egozten dizkiete, gizarte-kontzientzia pixkanaka handitzea eragiten dutelarik.

Testuinguru horretan, BBKren Gizarte Ekintzak, Bizkaiko adinekoen beharrizanetatik gertu urteak daramatzanak, zeregin garrantzitsua du. Adineko emakumeen aurkako indarkeriari aurre egitea dimentsio handiko erronka, gizarte-izaerako erakunde baten eskumenak gainditzen dituena, da, “baina leku horretatik ere prebentzio-ekimenak eta -programak abian jar daitezke, beraien ahalduntzearen alde lan eginez, adineko pertsonak indartsu sentitzen direnean egoera jakin batzuk ez onartzeko edo, behar izanez gero, laguntza eskatzeko tresnak izaten dituzte-eta”, azaldu du BBK Sasoiko Ixone Zubietak.

BBK Sasoikok bere adinekoen zentroak eguneratu ditu, eta parte hartzeko ekosistema sortu du, estereotipoetatik urrun, gaur egun 60 edo 70 urteetara iristen direnen kezkei eta interesei erantzuteko. Proposaturiko jarduera ugariei esker, adinekoek aukera dute esperientzia berriak bizitzeko, nork bereak besteekin partekatzeko, ikasteko eta harreman eta laguntza-sare berriak ezartzeko. “Gure proposamena birplanteatu egin dugu, besteak beste, bizipenen eta emozioen kudeaketa, gura bako bakardade-egoerei aurre egitea edo arrakala digitala kontuan hartuta; azken batean, adinekoen ongizatea eta ahalduntzea helburu duen programa-multzo bat da, haien ahalduntzea baita tresnarik eraginkorrenetako bat, ez bakarrik haien integrazioa ziurtatzeko, baita beraien diskriminazioari eta tratu txarrei aurre egiteko ere”, zehaztu du Zentroko arduradunak.

BBK Sasoiko programaren bidez, BBK-k arreta berezia eskaintzen die adinekoei, eta kolektibo horri buruzko estereotipo negatiboei aurre egiten laguntzen du. Adinekoen beharrizanei erantzuten die, zahartze aktiboa, parte-hartze soziala eta bizialdi osoko ikaskuntza bultzatzen baititu. Ekimen honen bidez, BBK-k pertsona guztiak, beraien adina edozein dela ere, gizarteratzeko lan egiten du, eta hori 2030 Agendaren Garapen Jasangarrirako Helburuetan jasotako aldarrikapena da.

[/fusion_text][/fusion_builder_column][/fusion_builder_row][/fusion_builder_container]

Lau herrialdetatik etorrita BBK Trends Forumean parte hartu zuten bederatzi hizlariek aho batez adierazi zuten garrantzitsua zela joeretan oinarritzea etorkizuna ulertzeko egungoa bezalako testuinguruan, ziurgabetasunez eta aldaketez beterikoan. Joerak funtsezko tresna dira balizko agertokiei aurrea hartzeko eta hobeto prestatzeko.

300 pertsona baino gehiago izan ziren atzo BBK Trends Forum-en bigarren edizioan, BBK Salan egin zelarik BBK-k eta C4E Inspiration Company joeren aholkularitza-konpainiak antolatuta. Era berean, bigarren edizio honetan, erruz gainditu ziren 10 herrialde ezberdinetatik streaming bidez jardunaldia jarraitu zuten audientziak.

Hitz egin zuen lehena Mario Tascón izan zen, ‘Prodigioso Volcan’ komunikazio-irtenbide berritzaileetan espezializatutako aholkularitza estrategikoko enpresako bazkide zuzendaria. Tascónek ‘Exploratorium’ tresna azaldu zuen, «% 100 plataforma digitala», enpresei ingurunearen eraldaketak hobeto ulertzen laguntzen diena. Exploratorium «joeren radar bat» da, egungo panoramako «diskurtso» edo «mantra» handien ingurukoa, zeinari adimen artifiziala gehitu baitzaio, edozein joera-analistaren berezko norabide batzuei aurre egiteko.

Ondoren, Montse Zamorano mintzatu zen, Accenture Songeko Diseinu Estrategikoko Lead, eta Espainian eta Portugalen Fjord Trends 2022 txostenaren scoutinga koordinatzeaz arduratu dena. Zamoranok Accenture Song-en dokumentu hau egiteko jarraitzen den prozesu deszentralizatu eta lankidetzazkoa xehatu zuen. Dokumentu hori benetako erreferentzia izaten da joeren sektorean, eta urte bakoitza hastean esperoenetako bat. Fjord Trends-en Accenture Song-eko 35 ordezkaritzetako enplegatuek laguntzen dute, eta horiek trendsetter gisa jarduten dute mundu mailako joera garrantzitsuenen bila.

Bestalde, David Alayonek, Innuba gizarte-berrikuntzako aholkularitza-enpresaren fundatzaileetako bat eta Prospektibako zuzendariak, «2022aren ostean etorriko dena» aletu zuen bere hitzaldian. Datozen urteetarako Alayónek BBK Trends Forum 2022n nabarmendu zituen joeren artean, iraunkortasun edo jasangarritasunaren bilakaera dago birsortze edo leheneratze-kulturetarantz, non jada ez den nahikoa izango ingurumenari egiten zaion kaltea arintzea, baizik eta ekosistemak konpondu eta leheneratu beharra dagoen.

Ondorengo mahai-inguruan, David Sanchez Eroskiko Berrikuntza zuzendariak, Miguel Zorraquino Zorraquinoko aholkulari estrategikoak, Unai Iparragirre EiTBko zuzendariak eta Xabier de la Torre BBK Fundazioko Ikerketa arloko arduradunak beren erakundeen berrikuntza-prozesuetan joerek duten eginkizunaz berba egin zuten.

Arratsaldeko saioan, Claudia Lieshout Philips Design-eko diseinu-ikertzaile nagusi eta «pertsonengan oinarritutako» joeren arduradunak azaldu zuen bere erakundeak zelan erabiltzen duen tresna hori osasunaren esparruan gertatzen ari diren aldaketei aurrea hartzeko eta, horrela, merkaturatzen dituen produktu eta zerbitzu berrien izaera berritzaileari eusteko.

Carol Fernandesek, 20 urte baino gehiagoko esperientzia duen joeren analistak, Rio de Janeiroko Industrien Federazioak sortutako eta berak koordinatzen duen Casa Firjan Joera Laborategiaren kasua azaldu zuen. Laborategi hori Rio de Janeiroko enpresetan eragina izan dezaketen joerei aurrea hartzeaz arduratzen da, elkartekideen artean espiritu berritzaile handiagoa eta etorkizunarekiko interesa sustatuz.

Azkenik, Peter Bishopek, Houstongo Unibertsitateko Prospektiba Estrategikoko irakasle emeritu eta Teach the Future erakundearen sortzaileak, parte hartu zuen. Erakunde horren helburua da eskoletan, maila guztietan, etorkizuneko errealitateen azterketa sartu gura duten hezitzaileak horretan animatzea eta laguntzea. Zalantzaz beteriko eta etengabe aldatzen ari den errealitatea kudeatzen ikasteko umeek duten premia defendatu zuen Bishopek, eskolan zuzenean aplikatzeko irtenbide eta metodologia zehatzak proposatuz.

Saioen edukiaz gozatzeaz gain, bertaratuek etorkizuneko joerak identifikatzen lagundu ahal izan zuten BBK Trends Forum «trendometroaren», ekitaldi honetarako soilik sortutako tresnaren, bidez.

2022/09/30

BBK Sasoiko literatura-lehiaketaren bigarren edizioak baditu irabazleak: Enrique Garcíaren ‘Ane’ eta Jesus Sesar-en ‘Esperientzia ahaztezina’ izan dira epaimahaiak aukeratutako lanak; ekimen honek 55 urtetik gorako helduen parte-hartze soziala bultzatu gura du idazketaren bidez. Irabazleek beren sariak jaso dituzte gaur, BBK Sasoikok Bilbon Erronda kaleko lokalean egindako ekitaldian. Bertan, Sasoiko komunitateko hainbat lagun izan dituzte inguruan.

Aurretik Sasoikon irakurketa- eta idazketa-tailerretara joan diren eta lehiaketaren antolaketaz arduratu diren pertsonek osaturiko Epaimahaiaren erabakiak nabarmendu du bi lanek gaitasuna dutela “belaunaldien arteko harremanak oso modu eguneratuan ikusarazteko” eta “oso sentimendu gizatiarrak” pizteko.

Gainera, Katy Parrari akzesita eman dio bere ‘Estrellas Africanas’ kontakizunagatik, eta Alazne Díezi, berriz, ‘Haurtzaroa: Ibilaldi Laburra’ lanagatik, “benetako eta gertuko” istorioak transmititzen jakin dutela nabarmenduz.

Sari-banaketan, Ixone Zubietak, BBK-ko Pertsonen arloko arduradunak, nabarmendu du “lehiaketa honek aukera ematen diela heldu nagusiei bete-betean eragiten dieten bi gairi, hala nola zahartze aktiboari eta belaunaldien arteko harremanei, buruzko ikuspegia emateko, modu sortzailean, idazketaren bidez; gainera, gure gizarteak bi gai horiei buruzko hausnarketa egin dezan laguntzen du, gai horietan asko baitugu egiteko”.

Bilbaok gogorarazi du “belaunaldi desberdinetako pertsonen arteko lotura erraztea BBK Fundazioaren helburuen artean egon dela beti”. Orain, erakundeak bere estrategia korporatiboaren barruan txertatuta duen 2030 Agendaren Garapen Jasangarrirako Helburuen esparruan, erakundeak bultzada zeharkako edo transbertsala eman gura dio alderdi horri.

Bihar, urriak 1, Adinekoen Nazioarteko Eguna izango dela eta, gaur banatu dira ‘Despertar a la escrituta/Idazten Hasi’ lehiaketako sariak. Hori dela eta, aste osoan zehar, BBK Sasoikon ‘Historias de Vida de las Personas Mayores / Adinekoen bizitza-istorioak’ izeneko erakusketa egongo da, Bizkaiko laurogeita hamar urteko eta ehun urteko pertsonak protagonista dituena. Erakusketa hori BBK Sasoikok Ander Elgorriaga marrazkilariarekin (DibujaTolrato sin Parar) eta Liannys Badillo zinemagilearekin egindako lankidetza-proiektuaren emaitza da.

Aurten, BBK-k ikasgeletara itzultzea proposatzen die lan-aldia amaitu duten 55 urtetik gorako pertsonei, irakasgairik garrantzitsuena ikasteko: norberaren burua zaintzen ikastea, aurrean irekitzen den bizi-etapa luzeari bete-betean aurre egiteko. Horretarako, erakundeak AGEKIN SASOIKO programa jarri du abian. Prestakuntza berritzailea da, eta eguneroko bizitzarako ezaupideak eta trebetasunak ditu ardatz, eta autozainketa eta pertsonen arteko harremanak bultzatu gura ditu. Izen-emateak BBK ETA ZUwebgunean daude zabalik irailaren 30era arte.

Bizitzako etapa honetan, galdera ugari eta askotarikoak sor daitezke: Zelan babes dezaket neure burua Interneteko arriskuetatik? Zer jarraibide bete ditzaket osasunari eusteko? Nola egokitu dezaket nire etxea etapa berri honetara?  Zelan komeni da neure finantza-gaiak antolatzea? Zer abantaila eskaintzen dizkit administrazioaren digitalizatzeak? Zer egin dezaket indarkeria-egoera baten aurrean? Nola planifikatu dezaket nire etorkizuna?

Galdera horiei eta beste askori erantzungo die AGEKIN SASOIKOk datorren urriaren 3an hasi eta 2022-2023 ikasturte osoan zehar, maiatzaren 31ra arte.  Eskolak astean bitan emango dira, 10:00etatik 13:30era, eta aurrez aurre emango dira Bilboko BBK Sasoiko zentroan (Erronda kalea, z/g). Plazak mugatuak dira (30 lagun) eta izena emandako hurrenkeran esleituko dira. Matrikularen kostua 180 €-koa da, eta BBK-k laguntza-sistema bat ezarri du interesa duen bakar bat ere kanpoan gera ez dadin arrazoi ekonomikoengatik. Laster beste BBK zentro batzuetan errepikatzeko asmoarekin sortu da AGEKIN SASOIKO.

BBK Sasoikotik azaldu dutenez, “autozainketa bizitzan zehar gainditu barik geratzen zaizkigun irakasgai horietako bat da; badirudi inoiz ez dagoela horretarako astirik. Lan-bizitza amaitu ostean, ezin dugu aitzakiarik jartzen jarraitu: errealitatea da gero eta denbora gehiago bizi garela, eta, etapa horretaz gozatu ahal izateko, geure ongizatearen ardura hartu behar dugu, eta geure burua zaintzen ikasi. Ez diogu geure buruari zahartzen utzi behar, beste barik”.

Agekin Sasoiko programak ikasgai berriak eta ikasteko modu berriak proposatzen ditu, garai berriekin eta gero eta zabalagoa eta anitzago den eta duela hamarkada gutxiko adinekoekin zerikusi gutxi edo batere ez duen kolektibo baten beharrizanekin bat datozenak. Gorka Martínezek azaldu duenez, “aurrean erronka bat daukagu: erretiroaren aroa ikaskuntza-prozesuekin, eta are gutxiago eguneroko bizitzako premiei buruzko ikaskuntzarekin, lotzera ohituta ez dagoen publiko batengana iristea”. Lan-merkatua izaten da bizitzan zehar ikasketa-hautaketak markatzen dituena: lehenik eta behin merkatu horretara sartzeko, eta gero hor mantentzeko edo hobetzeko. Behin lan-etapa amaituta, gaur egun aisialdi hezitzaileko aukera ugari daude; orain, irakasgai garrantzitsuenari, norberak bere burua zaintzeari, aurre egiteko lehen proposamen integralarekin dator Agekin Sasoiko.

Ildo horretan, BBK-k oso prestakuntza praktikoa diseinatu du, eginez ikasteko ereduari jarraitzen dioten irakaskuntza-metodologia berriekin bat datorrena.  Ezaupideak integratzeko modurik onena da, eta, horrela, mamu batzuk urruntzekoa ere bai. Adibidez, adineko pertsona batzuk kezkatzen dituen hori: “Izan ere, dagoeneko zaharregia naiz ikasteko!”. Hori bai, Agekin Sasoikoren lehen promozio honetako hogeita hamar ikasleek ikasturte-amaierako lan bat egingo dute taldean, prestakuntzan zehar planteatutako gairen batekin lotuta.

ARGIBIDE GEHIAGO

2022/07/01

BBK-k hasiera eman dio gaur “Herriz Herri” proiektuari, Bizkaiko 85 udal baino gehiagorekin lankidetzan egindako ekimenari; ekimen horren bidez, erakundeak eragin sozial positiboko hainbat ekintza egingo ditu 2022an.  Erakundeak 16 milioi euro baino gehiagoko inbertsioa egingo du. Proiektu honen lehenengo geltokia Trapagaran da, eta bertan BBK-k Udalarekin akordio bat sinatu du honako proiektu hauek elkarrekin bultzatzeko:  Dantzari Ibiltaria, Bakardade Ikusezina, Azokak, Artearen Ibilbidea eta Kirolaren Digitalizazioa. Aurkezpen-ekitaldian izan dira Gorka Martinez BBK-ko zuzendari nagusia, Xabier Cuellar Trapagarango alkatea eta Silvia Mera kultura-zinegotzia.

Artearen Ibilbidea ekimena, artea eta kultura Bizkaiko lurraldera eta herritarrengana hurbiltzea bultzatzen duena, jada igaro zen Trapagarandik maiatzaren 24tik 31ra bitartean, eta duela gutxi Kirola digitalizatzeko proiektua jarri da abian, eta horren bidez BBK-k berrikuntza teknologikoak sartuko ditu herriko kirol-instalazioetan, zehazki Errotarte futbol-zelaian eta udal-kiroldegian.

Uda ostean, Trapagaranek Dantzari Ibiltaria hartuko du, herritarren artean euskal dantza tradizionala sustatzeko ekintza. Irailaren 2an izango da, Llano plazan, 18:30ean. Aiko Taldeak dinamizatutako erromeria honek zuzeneko musikarekin esperientzia honetan parte hartzera animatuko ditu bertokoak.  Gainera, modu inklusiboan, guztiek dantzaz gozatu ahal izateko argibideak emango dira.

Irailean Bakardade Ikusezina iritsiko da Trapagaranera, BBK-k 2019an abian jarri zuen ekimen arrakastatsua, adineko pertsonen artean dagoen gura bako bakardadeaz gizartea kontzientziatzeko helburua duena.  Oraingoan, Mercedesen eskultura hiperrealista, Ruben Orozco artista mexikarraren lana, Maiatzaren Lehena etorbidean jarriko da. Era berean, urrian, kontzientziazio- eta dibulgazio-jardunaldi batzuk jarriko dira abian, nahi ez den edo gura bako bakardade-egoerak saihesten lagunduko duten jarraibideak aktibatzeko.

Aldi berean, prestakuntza-pilulekin ikastaro bat egingo da adinekoentzat, online bankaren kudeaketan dagoen eten digitalari aurre egiteko, Sasoiko-Secot eta Kutxabanken eskutik.

Bestalde, azaroaren 6an Zugaztietako XXI. Nekazaritza eta Abeltzaintza Azoka egingo da, BBKren laguntza duen hitzordua, lehen sektoreari eta hurbileko produktuen salmentari ‘Azokak’ ekimenaren bitartez laguntzeko.

Proiektu honekin, bizkaitarren kohesioarekin eta ongizatearekin duen konpromisoa adierazten du BBK-k, Gorka Martinez BBK-ko zuzendari nagusiak hitzarmenaren aurkezpenean azaldu duen legez:  “Herriz Herri-ri esker, eskuz esku lan egingo dugu udalekin eta tokiko gizarte-eragileekin, gizarte-eragin positiboko ekintzak elkarrekin bultzatzeko. BBKn sare bat sortzearen aldekoak gara, non hainbat eragilek elkarrekin lan egingo dugun guztion onerako, horrela, guztiontzako Bizkaia, inklusiboa, oparoa, kohesionatua eta iraunkor edo jasangarria eraiki ahal izateko. Programa honen bidez, Bizkaian ahalik eta udalerri gehienetara eroango ditugu aukera-berdintasun, gizarteratze eta lurralde-garapenaren aldeko ekimenak, lehiakortasun iraunkorraren eta 2030 agendan ezarritako GJHen ikuspegitik pentsatuak, Bizkaiko herritar guztiek, bizi diren lekuan bizi direla, BBKren gizarte-ekintzak eskaintzen duen guztia aprobetxa dezaten; izan ere, batez beste 38 milioi inbertituta urtean, Espainiako lehen gizarte-ekintza da biztanleko egindako inbertsioari dagokionez. Hori guztia, datozen belaunaldiei mundu hobea uztearren”.

Bestalde, Trapagarango alkate Xabier Cuellarrek aurkezpenean adierazi duenez, “horrelako ekimenak, BBKren eta ‘Herriz Herri’ programaren lankidetzari esker, oso interesgarriak dira, jendeari aukera-berdintasun, gizarteratze eta lurralde-garapenaren aldeko kultura-ekintzak eta beste esparru batzuetakoak hurbiltzen zaizkio eta”.

Datorren maiatzaren 2tik 31ra bitartean, Fair Saturday fundazioak eta BBK-k, Bizkaiko Foru Aldundiarekin eta Bilboko Udalarekin lankidetzan, kulturari eta gizarte-berrikuntzari buruzko hitzaldi bat eskainiko dute egunero, FSForum Culture and Social Innovation delakoaren esparruan.
Oraindik ere bizitzen ari garen ziurgabetasun-garai hauetan, eta gizateria gisa oraindik ere aurrean ditugun erronkak kontuan hartuta, zer egiteko izan behar dute kulturak eta gizarte-berrikuntzak etorkizun hobea eraikitzeko? FSForumak 2017an Bilbon jaiotako nazioarteko hausnarketa-guneak Kulturaren bidez gizartea eraldatu duten kasu nabarmenak bilduko ditu, bai digitalki, bai Bilbotik bertatik, maiatzean zehar.

Zehazki, Fair Saturday Forumaren seigarren edizioan, 25 lider kultural eta sozial izango dira 13 herrialdetatik etorriak, eta beren gogoetak partekatuko dituzte, pertsonen, hirien eta kulturen arteko harremanak inspiratzeko eta estutzeko. Egunero, maiatzean zehar, hamar minutu inguruko online hitzaldi inspiratzaile bat emango da www.fsforum.online kanalaren bidez, eta Urazurrutia 3ko BBK Kuna eraikinean astero hitzaldi bat entzuteko aukera ere izango da.

Maiatzaren 2an, astelehenean, 11:00etan, inaugurazio-ekitaldia egingo da BBK Salan, Fair Saturday fundazioko zuzendari Jordi Albareda, BBK-ko zuzendari nagusi Gorka Martí­nez, Euskara, Kultura eta Kiroleko foru diputatu Lorea Bilbao eta Bilboko Udaleko Ekonomia Sustapeneko zinegotzi Xabier Ochandiano bertan direla. Ekitaldian zehar digitalki konektatuko da munduko hainbat tokitako hizlariekin. Besteak beste, Antonio Garrigues Walker jaunak Alex Borovensky elkarrizketatuko du, ProEnglish Theatreko zuzendari artistikoa, ukrainar erresistentziaren ikurra kulturaren bidez; Sepehr Sharifzadeh, Irango Nowrouze Honar Theater Agencyren sortzailea; eta Victoria Romann, Alemaniako Arquitects of Music-eko presidentea.

Jordi Albareda Fair Saturday fundazioko zuzendariaren hitzetan, Gaur egungo une asaldagarrietan oso garrantzitsua da entzuteko eta elkar ulertzeko espazioak sortzea, pertsona eta proiektu inspiratzaileei ahotsa emanez, errealitate hobeak pentsarazi eta eraikitzeko. Gorka Martinez BBK-ko zuzendari nagusiaren arabera, Gure eginbeharra kultura bultzatzea da, orain inoiz baino gehiago. Beste urrats bat ematea lortu behar dugu, gizartearen beharrei aurrea hartuz, kultura eta berrikuntza askatasuna, gizarte-kohesioa eta berdintasuna bermatzeko bitarteko direla.

Fororako sarbidea librea izango da http://www.fsforum.online helbidean izena emanda, eta eguneko hitzaldi bat ikusi ahal izango da.

Langileen Nazioarteko Eguna hurbiltzen ari delarik, BBK Enplegu Inklusiboa aurkeztu du gaur BBK-k, enplegu inklusiboari laguntzeko programa berria. Horren bidez, erakundeak erraztu gura du, urtebetean, gutxienez desgaitasuna duten100 pertsonak ohiko lan-merkatuan sartzeko aukera izatea. Ekimenak enplegu arrunta lortzen duten emakumeen ehunekoa handitzea ere izango du helburu, gutxienez % 40ra iristeraino.  Era berean, desgaitasuna duten pertsonak inoiz kontratatu ez dituzten 20 enpresa berrik pasua eman eta kontratatzea bilatuko du. Hori lortzeko, BBK Enplegu Inklusiboak hiru ardatz izango ditu: enpresei laguntzea, zuzeneko laguntza ekonomikoak eta gizarte-errekonozimendu eta -sentsibilizazioa. Programa BBKren lehiakortasun jasangarriaren aldeko apustuaren barruan kokatzen da, eta bat dator 2030 Agendan jasotako garapen jasangarrirako helburuekin.

#normaladena erabateko integrazioa da

BBK Enplegu Inklusiboa programak bat egiten du BBKren ibilbide luzearekin, desgaitasuna duten pertsonen laneratzea bultzatuz. Desgaitasun intelektuala, gaixotasun mentala edo espektro autistaren nahasmendua duten pertsonak kontratatzera zuzenduta dago, eta hiru ardatzetan egituratzen da: enpresentzako aholkularitza, zuzeneko laguntza ekonomikoak eta gizarte-errekonozimendu eta sentsibilizazioa.

Hala, BBK-k doako aholkularitza- eta laguntza-zerbitzu indibiduala jarriko du abian, programari atxikitako enpresek profesional-talde espezializatu baten laguntza izan dezaten kontratatua lanean hasi aurreko prozesu osoan eta lanpostuan jardun bitartean.

Gainera, desgaitasuna duten pertsonak inoiz kontratatu ez dituzten enpresek, pausua eman eta kontratatzeagatik, kontratazioaren lehen urtean 6.000 euroko zuzeneko laguntza ekonomikoa jasoko dute BBKren eskutik, dagozkien zerga-abantailez eta hobariez gain.

Azkenik, BBK Enplegu Inklusiboak ikusgarritasuna emango die desgaitasuna duten pertsonen lan-integrazio osoa babesten duten enpresei, programarekin bat eginez. Horren haritik, eta Bizkaiko gizarteari programa berri hau aurkezteko asmoz, BBK-k #normala dena sentsibilizazio-kanpaina abiarazi du, gaurtik aurrera hainbat formatutan garatuko dena, bai online eta bai offline.

Ekintza honen bidez, enplegu inklusiboa sustatu gura da, desgaitasuna duten pertsonen eta lan-merkatuan erabat integratuta dauden pertsonen benetako esperientziak ezagutaraziz, eta dagoeneko hori bultzatzen duten erakundeak aintzatetsi edo errekonozituz.