Aranzazu Mata Bailera

Arantzazu ikasle ohi baten gomendioari esker iritsi zen BBK Bootcampera. Askotariko ibilbidea eginda zetorren: argazkigintza, diseinua, programazioa, … eta bootcampa aukera ezin hobea izan zen bere burua eguneratzeko, ezaupideak batzeko eta, batez ere, diziplina zentzudun batean, UX/UI diseinuan, ardazteko.

«UX/UI diseinua aukeratu dut, alderdi sortzailea nahiz sail teknikoenekiko zubia biltzen dituelako.»

Programan zehar, gertutik bizi izan zuen sail baten benetako presioa, eta datak, estresa eta exijentzia maneiatzen ikasi zuen. Baina gehien baloratzen duena esperientzia partekatua da.

«Oso harro nago osatu dugun taldearekin. Proiektu bikaina atera dugu, emaitza ikaragarria izan da.»