Sala BBK-k Bilbao Damba Festivalaren seigarren edizioa hartuko du, aniztasunaren eta elkarbizitzaren aldeko kultur topaketa

Datorren martxoaren 21ean, 18:30etik aurrera, Sala BBK-k Bilbao Damba Festival jaialdiaren edizio berri bat hartuko du. Urtez urte, ekitaldi hau hiriko kultur topaketa berezienetako bat bezala finkatu da. Seigarren edizio honetan, jaialdiak berriro ere musika, dantza eta arte eszenikoak elkartuko ditu, kulturartekotasuna, errespetua eta arrazakeriaren aurkako borroka balioan jartzen dituen proposamen baten bidez.

Kultura tresna gisa ulertzen dugu errealitateak hurbiltzeko, elkarrizketa sortzeko eta gizarte inklusiboago bat eraikitzeko. Horregatik, Bilbao Damba Festivalaren moduko ekimenak sustatzen jarraitzen dugu; izan ere, ekimen horiek Sala BBK kultura arteko topaketarako eta aniztasuna ospatzeko espazio ireki bihurtzen baitute.

Urteekin batera, Bilbao Damba Festival erreferentziazko espazio bihurtu da Bilbon eta estatu osoan, kultur aberastasuna ikusarazteko eta jatorri zein estilo askotako artistei ahotsa emateko. Guretzat, jaialdi hau babestea elkarbizitzarekiko, berdintasunarekiko eta errespetuarekiko konpromisoa berrestea ere bada. Gainera, ekitaldiak proposamen dinamikoa eskaintzen du panorama musikalaren barruan, non publikoak proposamen berriak ezagutu eta esperientzia artistiko partekatuaz gozatzeko aukera duen.

Kulturak musikaren eta artearen bidez lotzen dituen kartela

2026ko edizioak nazioarteko talentua eta tokiko artistak uztartzen dituen kartela izango du, soinu eta musika-tradizio ugariren ordezkari. Horien artean daude Angolako kuduroa, afro house-a, rap-a eta erritmo afrolatinoak.

Edizio honetako artista nabarmenen artean hauek daude:

• Pongo

Kuduroaren “erregina” ezizenaz ezaguna den abeslari angolarra genero honen nazioarteko ordezkari handienetako bat da. Erritmoz eta indar eszenikoz beteriko bere proposamen musikalak hainbat aitortza ekarri dizkio; besteak beste, 2024ko Kora Awards sarietan Urteko Artista Afrikarraren saria jaso zuen. Bere zuzeneko emanaldien intentsitatea eta bizitasuna dira bere ezaugarri nagusiak.

• Scró Que Cuia

Artista angolar hau afro house estiloko izen nabarmenetako bat bihurtu da. Estilo horrek Afrikako soinu tradizionalak gaur egungo oinarri elektronikoekin uztartzen ditu.

• Suprah:

Bizkaiko hip hoparen erreferentea, 20 urte baino gehiagoko ibilbidea du musika-eszenan. Bere karrerak lurraldeko MC ezagun eta errespetatuenetako bat bihurtu du.

• Lova Lois

Izen artistiko honen atzean Lola Guerricachebarria dago, Astrabuduako rap abeslari, poeta eta kantautorea. Esne Beltza taldeko kidea, bere lana musikaren, literaturaren eta aktibismo sozialaren artean mugitzen da.

• Tumbao Global

Bizkaian kokatutako salsa talde kubatarra, hamar urte baino gehiagoko ibilbidea duena publikoari Karibeko musikaren erritmoak eta energia hurbiltzen.

• Olfa Sendesni

Jatorri tunisiarra duen artista da, eta bere ibilbidea hainbat diziplinatan garatzen da: interpretazioa, arte-irakaskuntza eta dramaturgia. Arte eszenikoetan egiten duen lana, batez ere, arabieraz (bere ama-hizkuntzan) garatzen du.

Jaialdian African Vibes eta DJ Slimdaze ere izango dira, musika, dantza eta kultura arteko topaketa ospatzeko pentsatutako gau baten programazioa osatuz.

Sarrerak eskuragarri

Bilbao Damba Festival 2026 jaialdira joateko sarrerak jada eskuragarri daude Sala BBKren webgunean. Informazio gehiago eskuratzeko edo zure sarrera erosteko, bisitatu: www.salabbk.bbk.eus

Herritar guztiak gonbidatu nahi ditugu kultur hitzordu honekin bat egitera; izan ere, musika eta arteak aniztasuna ospatzeko eta kulturen arteko errespetuan oinarritutako elkarbizitza eraikitzen jarraitzeko topagune bihurtzen baitira.