Informazioaren kultura eta osotasunaren azpiegitura indartu nahi ditugu, gobernu organoetako kideek, zuzendaritza taldeak, langileek eta, oro har, laguntzaileek/hornitzaileek beren Kode Etikoan ezarritako legezkotasunaren eta balio eta jarduera printzipioen errespetua sustatuz.

Helburu horrekin, Barneko Informazio-sistema bat ezarri dugu, interes publikoaren aurkako mehatxuak prebenitzeko eta detektatzeko, eta egon daitezkeen jokabide irregularren edo legez kontrako edo legearen edo Kode Etikoaren aurkako balizko ekintzen salaketa errazteko.

• Informatzailearen nortasunaren konfidentzialtasuna, ohiko bideak ez direnetatik ere jakinarazitako informazioarena eta, haien kudeaketan eta izapidetzean egingo diren jarduketena zein komunikazioen sekretua.
• Komunikazioak modu anonimoan egiteko aukera.
• Datu pertsonalen babeseko araudian zehaztutako betekizunak betetzea..
• Informatzaileen babeserako bermeak ezartzea, errepresaliak debekatuz eta laguntza-neurri guztietara sartzeko gaitasunez.
• Edonoiz informatuak izateko eta entzunak izateko pertsona kaltetuen eskubidearen bermea.
• Kaltetuen errugabetasun-presuntzioa eta ohorea errespetatzea.

Jokabide ez-erregularren edo BBKren kode etikoaren eta gainerako barne-araudiaren urratze larri edo oso larria eragin dezaketen jakintza edo susmo oro komunikatzeko aplikatuko da sistema.

Horrez gain, Sistemak aukera emango du arau-hauste penal edo administratibo larria edo oso larria izan daitekeen edo Europar Batasuneko Zuzenbidearen arau-hauste izan daitekeen edozein ekintza edo ez-egiteren berri emateko, baldin eta:

Europako Parlamentuaren eta Kontseiluaren 2019ko urriaren 23ko 2019/1937 (EB) Zuzentarauaren eranskinean zerrendatutako Europar Batasunaren egintzen aplikazio-eremuan sartzen badira

• Europar Batasunaren finantza-interesei eragiten badiete; edo barne-merkatuan eragiten badute.
• Gainerako komunikazioetarako (kexak, iradokizunak, esker onak, beste kontaktu mota batzuk), kanal hau erabil dezakezu.

Barneko Informazio-sistemaren ezaugarriak eta kudeaketa prozesua Barneko Informazio-sistemaren Politikan eta Informazioak Kudeatzeko Prozeduran deskribatzen dira, eta jarraian kontsulta ditzakezu.