BBK Sala proiektua

Sormena, pentsamendu kritikoa eta kultura gizartea eraldatzeko. BBK Sala auditoriuma baino askoz gehiago da: artearen bidez elkarrizketara, berrikuntzara eta hausnarketara irekitako gunea da.

Programazio anitza eta irisgarria adin guztietako publikoarekin konektatzeko prestatu da, entretenimendua eta eragin soziala uztartuz.

Ekitaldi bakoitzak jendea hunkitu, inspiratu eta elkarrizketa sortu nahi du, kultura komunitatea sortzeko, talentua bultzatzeko eta gizarte inklusiboagoa eraikitzeko tresna gisa.

2021etik, BBK Salak beste urrats bat eman du, eta obra eszeniko garaikideen ekoizle gisa finkatu da, euskal kulturaren sektorean duen eragina handituz.

• 2021ean bertan, Yerma ekoitzi zuen, Lorcaren klasikoaren bertsio garaikidea, Maria Goiricelayak zuzendua.
• 2022an, Borderland opera garaikidea aurkeztu zuen.
• 2023an, Yarin dantza ikuskizunaren txanda izan zen.
• 2023ko Aste Nagusian, Agur Otxoa Feroz aurkeztu zen.
• 2024ko Aste Nagusian, Urte Berri OFF estreinatu zen.
• Aurten, 2025ean, Cinco Golondrinas ikuskizun inklusiboa estreinatuko da.

Ekoizpen horiek narratiba eszeniko berrien eta tokiko talentuaren aldeko apustu sendoenetako bat bihurtu dute BBK Sala. 2023an, Max Sarietan izendapen gehien lortu zituen espazioa izan zen (6 izendapen, Yermak egokitzapen onenarena irabaziz), Euskadin arte eszenikoen bultzatzaile gisa zuen rola berretsiz.

BBK Salaren programazioak mota guztietako publiko eta interesentzako ekitaldiak biltzen ditu:

• Zuzeneko musika zikloak: flamenkoa, jazza, musika elektronika eta kontzertu akustikoak.7
• Antzerki-lanak eta dantza, proposamen garaikideekin eta ekoizpen berritzaileekin.
• Zinema eta hitzaldiak, hausnarketarako eta eztabaidarako guneak irekitzen dituztenak.
• Literatur topaketak, gaurkotasuneko gai sozial eta artistikoekin.

Hori guztia irisgarritasunarekin, inklusioarekin eta jasangarritasunarekin konprometituta.

BBK Salak ateak zabalik ditu programazioarekin bat egin edo espazioa erabili nahi duten sortzaile, kolektibo, erakunde edo konpainientzat.

Gainera, formatu txikiko aurkezpenetarako balio anitzeko hall ezin hobea du. Espazio moldakorra, proiektuak partekatu, kontzertu lasaiak egin, poesia errezitalak antolatu eta hitzaldiak edo ikus-entzunezko aurkezpenak egin nahi dituzten sektoreko sortzaile, konpainia eta profesionalentzat.

Hall-a BBK Salaren identitatearen hedapena da, kultura adierazpide, elkarrizketa eta eraikuntza sozial gisa ulertzen dutenentzako topagunea.

BBK Sala irekita dago ekitaldi sozial, kultural edo solidario bat egiteko.

Bidali zure proposamena salabbk@bbk.eus helbidera. Zure proposamena aztertuko dugu eta lehenbailehen erantzungo dizugu.